នាព្រឹកថ្ងៃអង្គារទី៦ ខែតុលា ឆ្នាំ២០២៦ ឯកឧត្តម ដាញ់ សេរី អគ្គនាយក នៃអគ្គនាយកដ្ឋានគាំពារបរិស្ថាន...

 បានរៀបចំកិច្ចប្រជុំបូកសរុបការងារប្រចាំនព្វមាស (៩ខែ) ឆ្នាំ២០២៦ និងកំណត់ទិសដៅការងារសម្រាប់អនុវត្តបន្ត ដោយមានការចូលរួមពីឯកឧត្តម លោកអគ្គនាយករង ថ្នាក់ដឹកនាំនាយកដ្ឋាន និងមន្ត្រីនៃអគ្គនាយកដ្ឋានគាំពារបរិស្ថាន សរុបប្រមាណ ១៧២នាក់។

កិច្ចប្រជុំនេះ មានគោលបំណងសំខាន់ក្នុងការពិនិត្យ និងវាយតម្លៃវឌ្ឍនភាពការងារដែលបានអនុវត្តក្នុងរយៈពេល៩ខែ កំណត់បញ្ហាប្រឈម និងស្វែងរកដំណោះស្រាយសមស្រប ព្រមទាំងពង្រឹងការសម្របសម្រួល និងកិច្ចសហការរវាងនាយកដ្ឋានជំនាញ ដើម្បីធានាប្រសិទ្ធភាព និងប្រសិទ្ធផលនៃការអនុវត្តការងារកិច្ចគាំពារបរិស្ថាន។