Saturday, March 21, 2026
www.kasetstuengmeanchey.com
អូររាំងឪ៖ ឯកឧត្តម ង៉ូវ បូរីណា រដ្ឋលេខាធិការក្រសួងបរិស្ថាន និងជាអនុប្រធានទី២ ក្រុមការងារគណបក្សចុះមូលដ្ឋានស្រុកអូររាំងឪ តំណាងដ៏ខ្ពង់ខ្ពស់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងារគណបក្សចុះមូលដ្ឋាន ស្រុកអូររាំងឪ ស្រុកពញាក្រែក ស្រុកត្បូង អញ្ជើញជាអធិបតី ក្នុងពិធីក្រុងពាលី រៀបចំព្រឹត្តិការណ៍សង្ក្រាន្តអូររាំងឪ ឆ្នាំ២០២៦ ស្ថិតនៅសួនឧទ្យានទន្លេស្ងួត ភូមិថ្នល់កែង ឃុំព្រះធាតុ ស្រុកអូរាំងឪ ខេត្តត្បូងឃ្មុំ ដែលមានការអញ្ជើញចូលរួមអមដំណើរពី ឯកឧត្ដម ម៉ៅ ឌុង អភិបាលរងខេត្តត្បូងឃ្មុំ លោក ជា ណារ៉ុន អភិបាលស្រុកអូររាំងឪ គណ:អភិបាលស្រុក ក្រុមការងារគណបក្សចុះមូលដ្ឋានស្រុកអូររាំងឪ កងកម្លាំងទាំងបី មេឃុំទាំង៧ រួមទាំងមេភូមិ លោកយាយ លោកតា មន្ត្រីរាជការ សរុបប្រមាណជាង ១០០នាក់ផងដែរ។
មុនចាប់ផ្តេីមពិធីក្រុងពាលី ឯកឧត្ដម ង៉ូវ បូរីណា បានអញ្ជេីញអុជធូបធ្វើការបួងសួងប្រសិទ្ធពរជ័យ សុំសេចក្ដីសុខចម្រើន និងជ័យជំនះ ជូនថ្នាក់ដឹកនាំ និងវីរកងទ័ពកម្ពុជាដែលកំពុងឈរជេីនៅជួរមុខ នៅវត្តព្រះធាតុបាស្រី ក្នុងភូមិសាស្រ្តឃុំព្រះធាតុ ស្រុកអូររាំងឪ ខេត្តត្បូងឃ្មុំផងដែរ។
សូមបញ្ជាក់ផងដែរថា កន្លងមករដ្ឋបាលស្រុកអូររាំងឪ បានរៀបចំព្រឹត្តិការណ៍សង្ក្រាន្តអូររាំងឪជាច្រើនលេីកមកហេីយ ដេីម្បីអបអរសាទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ស្របតាមទំលៀមទំលាប់ ប្រពៃណី ដូនតា ជាការសបញ្ជាក់ពី វប្បធម៌ អរិយធម៌ ដ៏ផូរផង់របស់ខ្មែរ ជាងនេះទៅទៀត គឺជាការបង្កើតឱកាសរីករាយ និងជាឃឿនសេដ្ឋកិច្ចក្នុងតំបន់ ជាពិសេសជំរុញឱ្យមានការកេីនឡើងលេីវិស័យទេសចរណ៍។
បេីតាមការលេីកឡើងរបស់ លោក ជា ណារ៉ុន អភិបាលស្រុកអូររាំងឪ បានបញ្ជាក់ថា សង្រ្កាន្តអូររាំងឪ ឆ្នាំ២០២៦នេះ ជាការផ្ដួចផ្ដើមគំនិតរបស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នឹងបានរៀបចំនូវព្រឹត្តិការណ៍ កម្សាន្ដសប្បាយ រួមទាំងបង្ហាញពីវប្បធម៌ អរិយធម៌ ប្រពៃណីជាតិខ្មែរ ការតាំងពិព័រណ៍ផល្លិតផលក្នុងស្រុកអូររាំងឪ និងល្បែងប្រជាប្រិយនានា។
លោកអភិបាល បានបន្ដប្រាប់ថា ចំពោះការរៀបចំគឺ អនុត្ដតាមប្រសាសន៍ដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ហេីយចំពោះការរាំងលែងកម្សាន្ដតាមប្រពៃណី គឺមានចូលរួមរៀបចំការប្រគំតន្ត្រីដោយក្រុមហ៊ុន ប៊ូស្ដ្រង (BOOSTROMG)។
Saturday, March 28, 2026
www.kasetstuengmeanchey.com
