អាជ្ញាធរមីនកម្ពុជា អំពាវនាវឱ្យប្រជាពលរដ្ឋប្រុងប្រយ័ត្ន ចំពោះគ្រាប់​យុទ្ធភណ្ឌមិនទាន់​ផ្ទុះ​ និងគ្រាប់បែកចង្កោមដែលនៅសេសសល់ពីសង្គ្រាម, ករណីបានឃើញ ឬសង្ស័យសូមកុំប៉ះពាល់ ត្រូវរាយការណ៍មកអាជ្ញាធរភ្លាមៗ

(ភ្នំពេញ)៖ ដើម្បីចូលរួមបង្ការទប់ស្កាត់នូវគ្រោះថ្នាក់ ដោយសារគ្រាប់​យុទ្ធភណ្ឌមិនទាន់​ផ្ទុះ​ និងគ្រាប់បែកចង្កោមដែលនៅសេសសល់ពីសង្គ្រាម និងដើម្បីធានាសុវត្ថិភាពសម្រាប់បងប្អូនប្រជាពលរដ្ឋ ដែលនឹងវិលត្រឡប់ទៅលំនៅដ្ឋាន​វិញ, អាជ្ញាធរមីនសូមអំពាវនាវ សូមកុំចូលតំបន់ណា ដែលសង្ស័យបន្សល់គ្រាប់យុទ្ធភណ្ឌមិនទាន់ផ្ទុះ សេសសល់ពីសង្គ្រាម​ និងមុនចូលតំបន់នោះត្រូវសាកសួរព័ត៌មានពីអាជ្ញាធរមានសមត្ថកិច្ច មេភូមិ​ មេឃុំ​ និងប៉ុស្តិ៍នគរបាល។

នៅពេលប្រទៈឃើញមីន គ្រាប់មិនទាន់ផ្ទុះ​ គ្រាប់បែកចង្កោម និងវត្ថុចំលែកសង្ស័យជាគ្រាប់ សូមកុំប៉ះពាល់​ កែច្នៃ​ គប់​ ដុំ​ ឬចល័តទៅទីណាមួយ គ្រាប់ទាំងនោះនឹងធ្វើឱ្យរបួស ពិការ​ ស្លាប់គ្រប់ពេល​ និងសូមរាយការណ៍ជាបន្ទាន់ទៅអាជ្ញាធរមានសមត្ថកិច្ច​ ប៉ុស្តិ៍នគរបាល​ មេភូមិ​ មេឃុំ​ និងប្រតិបត្តិករបោសសម្អាតមីន តាមរយ:លេខទូរស័ព្ទ៖ 012 800 473, 011 38 39 37, 097 489 5600, 066 612 613 និង 063 96 34 99៕

(សូមអានបន្ត)

ឯកឧត្ដម​ ង៉ូវ​ បូរីណា​ អញ្ជើញចូលរួម​ ក្នុងពិធីសំណេះសំណាល​ និងនាំយកអំណោយជូនបងប្អូនភៀសសឹកទូទាំងស្រុកអូររាំងឪ...

 

អូររាំងឪ​៖​ ឯកឧត្ដម​ ង៉ូវ​ បូរីណា​ សមាជិក​យុវជន​គណបក្ស​ថ្នាក់​កណ្ដាល​ ប្រធាន​យុវជន​គណបក្ស​ក្រសួង​បរិស្ថាន​ និងជាអនុប្រធាន​ទី២​ ក្រុម​ការងារចុះមូលដ្ឋានស្រុក​អូររាំងឪ​  ​អញ្ជើញចូលរួម​ដឹកនាំយុវជន ក្នុងពិធីសំណេះសំណាលនិងនាំយកអំណោយដ៏ថ្លៃថ្លានិងថវិការបស់សម្តេចមហាបវរធិបតីហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជានិងលោកជំទាវបណ្ឌិតពេជ ចន្ទមុន្នី ជូនបងប្អូនភៀសសឹកទូទាំងស្រុកអូររាំងឪ ក្រោម​អធិបតីភាព​ ឯកឧត្ដម​បណ្ឌិត​ អ៊ាង​ សុផល្លែត​ ប្រធាន​ក្រុម​ការងារ​រាជរដ្ឋាភិបាល​​ចុះមូលដ្ឋាន​ និងជាប្រធានក្រុុមការងារ​ចុះមូលដ្ឋានស្រុក​ អូររាំងឪ​ ត្បូងឃ្មុំ​ និងស្រុក​ពញាក្រែក​ ស្ថិត​នៅបរិវេណសាលាស្រុកអូររាំងឪ នាព្រឹកថ្ងៃទី២៩​ ខែធ្នូ​ ឆ្នាំ២០២៥។

ក្នុងកម្មវិធីនេះផងដែរ​ មានការ​អញ្ជើញ​ចូលរួមពី​ ឯកឧត្ដម​ លោកជំទាវ​ ថ្នាក់ដឹកនាំ​ ប្រធាន​ អនុប្រធាន​ សមាជិក​ សមាជិក​ និង​អាជ្ញាធរ​មូលដ្ឋាន​ ប្រជាពលរដ្ឋ​ចំនួនប្រមាណជាង២០០០នាក់។

ថ្លែងក្នុងឱកាសនេះផងដែរ ឯកឧត្តមបណ្ឌិតប្រធាន បានពាំនាំនូវប្រសាសន៍ផ្តាំផ្ញើសួរសុខទុក្ខ ប្រកបដោយមនោសញ្ចេតនាស្រឡាញ់ និងនឹករលឹកព្រមទាំងពរសព្វសាធុការពីសំណាក់​ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនដល់អង្គពិធីទាំងមូលផងដែរ។

សូមបញ្ជាក់ថា អំណោយដ៏ថ្លៃថ្លាជាស្បៀងអាហារ និងសម្ភារៈប្រើប្រាស់ របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី តាមរយៈ​ ឯកឧត្ដម​បណ្ឌិត​ អ៊ាង​ សុផល្លែត​ ប្រធាន​ក្រុម​ការងារ​រាជរដ្ឋាភិបាល​ចុះមូលដ្ឋានខេត្តត្បូងឃ្មុំ ដេីម្បីប្រគល់ជូនបងប្អូន​ប្រជាពលរដ្ឋ​ភៀសសឹកទូទាំងស្រុកអូររាំងឪ៕

(សូមអានបន្ត)

ឯកឧត្តម ពិន ប៉ូឡូ និងលោកជំទាវ រួមជឯកឧត្តម សុវណ្ណ សុភា និងលោក លោកស្រីជាអាជីវកម្ម នាំយកគ្រឿងឧបភោគបរិភោគនិងថវិកាមួយចំនួនជូនជនភៀសសឹត ក្នុងស្រុកមង្គលបូរី...

 

(បន្ទាយមានជ័យ) ឯកឧត្តម ពិន ប៉ូឡូ សមាជិកក្រុមប្រឹក្សាខេត្ត និងលោកជំទាវ ឯកឧត្តម សុវណ្ណ សុភា សមាជិកក្រុមប្រឹក្សាខេត្ត លោក ម៉េង បូរ៉ាន់ ម្ចាស់អាជីវកម្ម រោងម៉ាស៊ីនកិនស្រូវ សុីវ ឡាយ ភ្នំធំ និងក្រុមគ្រួសារ និងលោកស្រី សេង សុធារី អាជីវករ និងក្រុមគ្រួសារ បានអញ្ជើញចុះសួរសុខទុក្ខ និងនាំយកគ្រឿងឧបភោគ បរិភោគ ប្រគល់ជូនដល់បងប្អូនប្រជាពលរដ្ឋភៀសសឹក ដែលចាកចេញពីលំនៅឋានគេចចេញពីការបាញ់ផ្លោងរបស់យោធាថៃ មកកាន់ទីកន្លែងមានសុវត្ថិភាព ចំនួន១៥២គ្រួសារ ស្ថិតនៅវត្តព្រះស្រែ ឃុំតាឡំ ស្រុកមង្គលបូរី ក្នុងភូមិសាស្ត្រខេត្តបន្ទាយមានជ័យ នារសៀលថ្ងៃអាទិត្យ ទី២៨ ខែធ្នូ ឆ្នាំ២០២៥។

ក្នុងឱកាសនោះដែរលោក ម៉េង បូរ៉ាន់ ម្ចាស់អាជីវកម្ម រោងម៉ាស៊ីនកិនស្រូវ សុីវ ឡាយ ភ្នំធំ និងក្រុមគ្រួសារ បានធ្វើការឧបត្ថម្ភអង្ករចំនួន ១តោន ថវិកា១លានរៀល និងបង់ថ្លៃទឹកភ្លើងចំនួន ១ខែ ប្រគេនជូនព្រះសង្ឃ និងឧបត្ថម្ភថវិកាមួយចំនួនដល់អាជ្ញាធរមូលដ្ឋានភូមិ ឃុំ ១៦នាក់ ក្នុងម្នាក់ទទួលបានថវិកា ៥ម៉ឺនរៀល និងកងកម្លាំង និងប្រជាការពារ ក្នុងម្នាក់ទទួលបាន អង្ករ ២០គីឡូ។ក្នុងនោះលោកស្រី សេង សុធារី បានឧបត្ថម្ភថវិកា ១០ម៉ឺនរៀលប្រគេនជូនព្រះសង្ឃទុកសម្រាប់ផ្គត់ផ្គង់នៅក្នុងអសរាមវត្ត។

(សូមអានបន្ត)

សេចក្តីប្រកាសព័ត៌មានលោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា.

សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាប៖ អំពីលទ្ធផលនៃកិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) ដែលបានប្រព្រឹត្តទៅនាព្រឹកនេះ ហើយបានបញ្ចប់ទៅនៅវេលាម៉ោង ១០:២០នាទី នៅច្រកអន្តរជាតិព្រំ-ផាកកាត ខេត្តប៉ៃលិន ប្រទេសកម្ពុជា ទល់នឹងខេត្តចន្ទបុរី ប្រទេសថៃ ក្រោមការសង្កេតការណ៍ពីក្រុមអ្នកសង្កេតការណ៍អាស៊ាន (AOT) ប្រចាំកម្ពុជា និងថៃ ដែលដឹកនាំដោយ  ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៃព្រះរាជាណាចក្រកម្ពុជា និងឯកឧត្តម ណាត់ថាក់ផុន ណាកផានីត រដ្ឋមន្រ្តីក្រសួងការពារជាតិ នៃព្រះរាជាណាចក្រថៃ។

កិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅកម្ពុជា-ថៃ (GBC) បានអនុម័ត និងចុះហត្ថលេខាលើសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) រវាងព្រះរាជាណាចក្រកម្ពុជា និងព្រះរាជាណាចក្រថៃ ហើយបាន បញ្ជាក់ពីការប្តេជ្ញាចិត្តយ៉ាងម៉ឺងម៉ាត់នៅក្នុងការអនុវត្តនូវបទឈប់បាញ់នេះឱ្យបានពេញលេញ និងស្វែងរកនូវសន្តិភាព ស្ថិរភាព និងសុវត្ថិភាព ជូនប្រជាពលរដ្ឋដែលរស់នៅតាមបណ្តោយព្រំដែនកម្ពុជា-ថៃ។

អាស្រ័យដូចបានជម្រាបជូនខាងលើ សូមសាធារណជន អ្នកសារព័ត៌មានជាតិ និងអន្តរជាតិជ្រាបជា ព័ត៌មាន៕         

ថ្ងៃសៅរ៍ ៨កើត ខែបុស្ស ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២៧ ខែធ្នូ ឆ្នាំ២០២៥ - ប៉ៃលិន ព្រះរាជាណាចក្រកម្ពុជា

Unofficial Translation

Press Release

H.E. Lieutenant General Maly Socheata, Spokeswoman of the Ministry of National Defence of the Kingdom of Cambodia.

The Ministry of National Defence of the Kingdom of Cambodia wishes to inform the public, both domestic and international media outlets, of the following:

The 3rd Special Cambodia-Thailand General Border Committee (GBC) Meeting has commenced this morning and concluded at 10:20am, on December 27, 2025, at Prom-Pak Kard Permanent Border Checkpoint, between Pailin Province, Cambodia, and Chanthaburi Province, Thailand, under the observation of the ASEAN Observer Team (AOT) of both Cambodia and Thailand. This meeting was co-chaired by His Excellency General Tea Seiha, Deputy Prime Minister, Minister of National Defence of the Kingdom of Cambodia, and His Excellency General Nattaphon Narkphanit, Minister of Defence of the Kingdom of Thailand.

The 3rd Special Meeting of the Cambodia-Thai General Border Committee (GBC) adopted and signed the Joint Statement of the 3rd Special Meeting of the Cambodia-Thai General Border Committee (GBC) between the Kingdom of Cambodia and the Kingdom of Thailand, and reaffirmed their firm commitment to fully implement the ceasefire and seek peace, stability and security for the people living along the Cambodia-Thailand border.

Based on the above information, the public, both national and international media outlets, are advised to be informed accordingly.

December 27, 2025, Pailin, Cambodia.

(សូមអានបន្ត)

លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី បាននាំយកអំណោយជាគ្រឿងឧបភោគបរិភោគ និងសម្ភារៈប្រើប្រាស់ជូនកងទ័ពជួរមុខ... --------------

នៅថ្ងៃទី១៥ ខែសីហា ឆ្នាំ២០២៥ លោកជំទាវកិត្តិបណ្ឌិត អុឹង កន្ថាផាវី រដ្ឋមន្ត្រីក្រសួងកិច្ចការនារី រួមជាមួយថ្នាក់ដឹកនាំ និងមន្រ្តីរាជការក្រសួងកិច្ចការនារី និងសមាគមសហគ្រិនស្ត្រី បានប្រគល់អំណោយជាស្បៀងអាហារ និងសម្ភារៈប្រើប្រាស់មួយចំនួនដល់កងទ័ពនៅសមរភូមិជួរមុខ ដែលបាននិងកំពុងប្តូរផ្តាច់ការពារបូរណភាពទឹកដី និងអធិបតេយ្យជាតិពីការឈ្លានពានរបស់បរទេស។ ក្នុងកាលៈទេសៈដ៏តានតឹងនេះ ក្រសួងកិច្ចការនារី ព្រមជាមួយប្រជាពលរដ្ឋខ្មែរទាំងអស់ សូមសម្តែងការដឹងគុណយ៉ាងជ្រាលជ្រៅបំផុត ចំពោះវីរៈភាពដ៏អង់អាចក្លាហានរបស់កងទ័ពជួរមុខ ដែលបានលះបង់គ្រប់បែបយ៉ាង ដោយឥតរួញរា ក្នុងបុព្វហេតុការពារជាតិមាតុភូមិ ក្រោមការចង្អុលបង្ហាញដឹកនាំបញ្ជាផ្ទាល់របស់សម្តេចតេជោ អគ្គភស្តុភាជាន់ខ្ពស់នៃកងកម្លាំងប្រដាប់អាវុធ និងសម្តេចធិបតី នាយករដ្ឋមន្រ្តីនៃព្រះរាជាណាចក្រកម្ពុជា។ 

ទន្ទឹមនេះ លោកជំទាវកិត្តិបណ្ឌិត បានអំពាវនាវឱ្យបងប្អូនប្រជាពលរដ្ឋទាំងក្នុងនិងក្រៅប្រទេសជឿជាក់លើចំណាត់ការ និងវិធានការនានារបស់រាជរដ្ឋាភិបាល ក្នុងការដោះស្រាយបញ្ហា ចៀសវាងចែករំលែកព័ត៌មានក្លែងក្លាយ គ្មានប្រភពច្បាស់លាស់ ដែលនាំបង្កចលាចលក្នុងសង្គម។ យើងទាំងអស់គ្នាត្រូវរួបរួមសាមគ្គីគ្នា ក្នុងស្មារតីជាតិខ្មែរតែមួយ ដើម្បីគាំទ្រដល់កងទ័ពជួរមុខ និងជួយដល់ជនភៀសសឹក ដែលកំពុងជួបការលំបាក។

ចុងបញ្ចប់ តាងនាមក្រុមការងារ និងក្រសួងកិច្ចការនារី លោកជំទាវកិត្តិបណ្ឌិតរដ្ឋមន្រ្តី សូមសម្តែងការសោកស្តាយ និងរំលែកទុក្ខដ៏ក្រៀមក្រំបំផុតជាមួយក្រុមគ្រួសារកងទ័ពដែលបានពលីក្នុងសមរភូមិ និងសូមបួងសួងដល់វិញ្ញាណក្ខន្ធវីរៈកងទ័ព បានសោយសុខក្នុងសុគតិភពកុំបីឃ្លៀងឃ្លាតឡើយ។ សូមជូនពរដល់កងទ័ពជួរមុខទាំងអស់ សូមមានសុខភាពល្អ និងទទួលបានជ័យជំនះលើសត្រូវឈ្លានពាន។

(សូមអានបន្ត)

លោក សៀ ទីន សមាជិកគណៈអចិន្ត្រៃយ៍ នៃគណៈកម្មាធិការគណបក្សខេត្តសៀមរាប...

អញ្ជើញចូលរួមពិធីសំណេះសំណាលជាមួយរចនាសម្ព័ន្ធគណៈចលនាមហាជន របស់គណៈកម្មាធិការ នៃគណបក្សខេត្ត ក្រោមអធិបតីភាពដ៏ខ្ពង់ខ្ពស់សម្តេចកិត្តិសង្គហ បណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានគណៈចលនា មហាជន នៃគណៈកម្មាធិការកណ្តាល គណបក្សប្រជាជនកម្ពុជា។

នាព្រឹកថ្ងៃទី៦ ខែឆ្នូ​ ឆ្នាំ២០២៥ ដែលប្រារព្ធធ្វើនៅសាលប្រជុំសណ្ឋាគារអង្គរអេរ៉ា ខេត្តសៀមរាប។

#SiemReapGRK : https://www.facebook.com/share/16SCVnPnHA/
#channel_telegram : https://t.me/siemreapgrk
#instagram : https://www.instagram.com/seartinsocialig?igsh=MzIwcGd2cDE0cnBi&utm_source=qr

(សូមអានបន្ត)